Mu mujyi wa Saulsville muri Afurika y’Epfo harasiwe abantu 11 barapfa abandi 15 barakomereka.

Umuvugizi wa Polisi muri uwo mujyi witwa Brigadier Athlanda Mathe yabisobanuye atya: “Abantu 11 nibo bamaze kwicwa n’amasasu yarashwe n’umuntu wabasanze banywa bishimye atangira kubarasa mu kivunge.”

Kugeza ubwo iyi nkuru yandikwaga, nta muntu wari wafashwe na Polisi ngo agezwe mu butabera.

Mu bapfuye harimo umwana w’umuhungu w’imyaka 12 n’uw’umukobwa w’imyaka 16.

Muri rusange abantu 25 nibo barashwe, 11 barapfa, bakaba barasiwe mu nzu babagamo, uwabarashe abasanze banywa.

Afurika y’Epfo iri mu bihugu bikorerwamo ubwicanyi buri hejuru kuko mu bantu 1000, abagera kuri 45 bapfa bishwe.

Hagati ya Mata na Nzeri, 2025 abantu 63 bishwe, iyi ikaba imibare  Polisi ya Afurika y’Epfo yagejejwe kuri BBC.