Federasiyo y’Umukino wa Basket mu Rwanda, FERWABA yatangaje ko abafana bipimishije COVID-19 bagasanga bataranduye bakaba barakingiwe byibura inshuro imwe bazemererwa kureba imikino y’amarushanwa y’umukino wa Basket nyafurika azabera muri Kigali Arena guhera tariki 24, Kanama, 2021.
Aya marushanwa azarangira tariki 05, Nzeri, 2021.
Itangazo ryiriya Federasiyo rivuga ko abantu batikingije ariko bakaba bashaka kureba iriya mikino, bazajya bakingirwa mbere y’uko binjira.
Kuri Kigali Arena hazashyirwa ahantu( site) ho gukingirira abaturage babyifuza mbere y’uko binjira ngo barebe imikino.
Abandi bashaka kwipimisha COVID-19 bazajya babikorerwa banyuze ku hantu hateganyijwe kuri Stade Amahoro.
Tike ku banyacyubahiro n’abandi bifite ni 15.000 Frw, abashaka kwicara ahasanzwe ni Frw 10,000 mu gihe ahandi hose hasigaye ari Frw 7000.
