Umugaba mukuru w’ingabo z’u Rwanda Gen Mubarakh Muganga ari Islamabad muri Pakistan mu biganiro n’ubuyobozi bukuru bw’ingabo z’iki gihugu ngo harebwe uko RDF yakomeza gukorana nazo.

Ni ibiganiro Gen Muganga yagiranye na mugenzi we Gen Sahir Shamshad Mirza uyobora ingabo zose za Pakistan.

Kuri X ya Minisiteri y’ingabo z’u Rwanda nta bisobanuro birambuye ku ngingo aba basirikare bakuru baganiriyeho byahatangiwe.

Hari amakuru avuga ko Pakistan ifite igisirakare cya gatandatu gikomeye ku isi.

Iki gihugu gifite umutwe wa gisirikare ushinzwe kwita ku by’intwaro kirimbuzi, uwo mutwe mu Cyongereza bawita Strategic Plans Division Force.

Intwaro iki gihugu gitunze kizigura mu Bushinwa, mur Amerika ndetse n’izo ubwacyo kikorera.

Bivugwa ko Pakistan ifite abasirikare 640,000 n’ab’inkeragutabara 550,000.