Guverinoma ya Leta Zunze Ubumwe za Amerika yahaye u Rwanda inkingo 336,000 za COVID-19 zo mu bwoko bwa Johnson&Johnson, zigiye kwifashishwa mu gukingira abaturarwanda.
Ambasaderi wa Amerika mu Rwanda Peter Vrooman yatangaje ko izi nkingo zakiriwe ku wa Gatanu, bituma inkingo zose icyo gihugu kimaze guha u Rwanda ziba miliyoni 2.3.
Yagize ati “Miliyoni 2.3! Ni cyo giteranyo cy’impano y’inkingo za Covid-19 Amerika imaze guha u Rwanda! Ejo Leta Zunze Ubumwe za Amerika zahaye u Rwanda inkingo 336,000 za Covid-19 za Johnson & Johnson’s (J&J) Janssen.”
2.3 million! That’s the total current U.S. donation of COVID-19 vaccines to #Rwanda! Yesterday, the United States donated 336,000 doses of Johnson & Johnson’s (J&J) Janssen COVID-19 vaccine doses to @RwandaGov. @RBCRwanda @RwandaHealth #US4Ubuzima pic.twitter.com/Bfw6Upa1xk
— Chargé d'Affaires Deb MacLean (@USAmbRwanda) December 11, 2021
Ni inkingo zizakingira abantu benshi kubera ko urukingo rwa Johnson&Johnson ruhabwa umuntu inshuro imwe
Ni inkingo zakiriwe nyuma y’uko ku wa Kane Suède yatangaje ko icyo gihugu cyahaye u Rwanda inkingo 1,000 000 za COVID-19 zo mu bwoko bwa Moderna.
Ni nyuma y’iminsi mike u Bwongereza nabwo buhaye u Rwanda inkingo miliyoni 1.1 za COVID-19 zo mu bwoko bwa AstraZeneca, zizunganira gahunda yo gukingira iki cyorezo abantu benshi bashoboka.
Kugeza ubu abaturarwanda bamaze guhabwa urukingo rwa mbere rwa Covid-19 ni miliyoni 6.8, mu gihe abakingiwe byuzuye ari miliyoni 4.1.
Ni mu gihe abantu 18,836 bamaze guhabwa urukingo rushimangira.
