Itangazo ryasohowe n’Ishyirahamwe rya Cricket muri Uganda rivuga ko ikipe y’abakobwa ba Uganda bakina uriya mukino itazaza mu Rwanda mu marushanwa muri uriya mukino akinwa mu rwego rwo kuzirikana Abatutsi bazize Jenoside yabakirewe mu mwaka wa 1994. Impamvu ni uko hari bamwe mubayigize basanzwe baranduye COVID-19.
Iri rushanwa rigomba kubera mu Rwanda rigahuza Botswana, Kenya, Nigeria, Namibia, u Rwanda na Uganda [itakije muri aya marushanwa kubera impamvu twanditse haruguru].
Imikino igomba gutangira mu mpera z’iki Cyumweru, ikabera mu kibuga cya Crichet kiri mu Murenge wa Gahanga mu Karere ka Kicukiro.
Itangazo ryasohowe n’Impuzamiryango y’amakipe akina Cricket muri Uganda yitwa Uganda Cricket Association rivuga ko bababajwe no gutangaza ko batakitabiriye ririya rushwana kubera ko hari abakinnyi babo basanzemo ubwandu bwa COVID-19.
Abaryanditse bavuga ko hatangijwe iperereza ngo bamenyekane uko bariya bakinnyi banduye ku munota wa nyuma mbere y’uko burira indege ngo baze i Kigali.
Iri perereza rirakorwa n’ishami ryitwa COVID-19 Standard Operating Procedures.
Ikipe y’abakobwa ba Uganda bakina Cricket yitwa Lady Cricket Cranes.
