Perezida Museveni n’inkoramutima ze baherutse gukingirwa COVID-19. Bahawe urukingo rwakozwe n’ikigo cy’Abashinwa kitwa Sinopharm.

Aya makuru dukesha The Wall Street Journal avuga ko gukingira Perezida Museveni, abo mu muryango we n’izindi nkoramutima ze byabaye ku wa Kane w’Icyumweru gishize

Ubucumbuzi bwa kiriya kigo bwerekanye ko kuri uriya munsi u Bushinwa bwakingiye na Perezida wa Peru n’uwa Philippines.

Muri Peru hakingiwe abantu 500 barimo Perezida Martin Vizcarra, abo mu muryango we, abasirikare bakuru, abapolisi n’abandi bantu bakomeye.

N’ubwo Wall Street Journal ivuga ko Museveni yakingiwe,  Umuvugizi we witwa Don Wanyama yabihakanye, avuga ko Uganda itarabona inkingo ahubwo ko izitegereje.

Aya makuru kandi yahakanywe n’Umuvugizi wa Minisiteri y’ubuzima witwa Emmanuel  Ainebyoona.