Uruganda rukora inkweto ziri mu zikunzwe kurusha izindi ku isi rwitwa Adidas rwatangaje ko rwishimiye ko kuva rwongera gusubukura umubano n’umuraperi Kanye West, abaguzi b’inkweto zarwo biyongereye.
Adidas ivuga ko yungutse miliyoni $565 zavuye mu kugurisha inkweto yari isigaranye nyuma yo guhagarika imikoranire na Kanye.
Inkweto Adidas ikora muri iki gihe yazise Yeezy zikaba ari Kanye West ushinzwe kuzamamaza.
Mu mezi ashize uyu muraperi yahuye n’ibibazo byaturutse ku magambo bivugwa ko yavuze yibasira Abayahudi.
Ibigo byinshi byahise bimufungira amazi n’umuriro, arahomba.
Icyakora bimwe muri byo, harimo na Adidas, byaje kwisubira birongera biramukomorera.
