Ubuyobozi bw’irushanwa rya Afrobasket 2021 ririmo kubera mu Rwanda bwemeje ko umukino wagombaga guhuza Cameroon na Sudan y’Epfo ukurwaho, Sudan y’Epfo igahabwa intsinzi y’amanota 20 – 0.

Ni icyemezo cyashingiwe ku mabwiriza agenga imikino itegurwa n’Ishyirahamwe mpuzamahanga ry’Umukino wa Basketball, ajyanye n’amarushanwa mu bihe by’icyorezo cya COVID-19.

Umukino wari guhuza Cameroon na Sudan y’Epfo bihurira mu itsinda D, wari uteganyijwe saa cyenda z’igicamunsi muri Kigali Arena.

Ntabwo uko byagenze hicwa amabwiriza yo kurwanya COVID-19 ku ruhande rwa Camerron, byatangajwe.

Biteganyijwe ko Sudan y’Epfo izasubira mu kibuga ku wa Gatanu tariki 27 ubwo izaba ikina na Senegal, mu gihe Cameroon izakina na Uganda.