Ikipe ihagarariye u Rwanda mu irushanwa nyafurika rya Basketabal, BAL, riri kubera i Dakar muri Senegal ikomeje kwitwara neza. REG BBC imaze gutsinda amakipe abiri yikurikiranya.
Umukino waraye uhiyije na ABC Fighters warangiye iyitsinze ku manota 80- 73.
REG BBC yitwaye neza, kandi yabifashijwemo n’umukinnyi wayo witwa Adonis Filer usanzwe ukina muri Leta zunze ubumwe z’Amerika.
Ku giti cye yatsinze amanota 25.
Ikipe yaraye itsinzwe na REG BBC ni iyo muri Côte d’Ivoire.
Adonis Filer niwe wabaye umukinnyi wigaragaje kurusha abandi muri uriya mukino.
REG BBC yari iherutse gutsinda ikipe yo muri Nigeria yitwa Kwara Falcons ku manota 64 kuri 48.
Wari umukino wayo wa mbere ikinnye mu irushanwa nyafurika rya Basketball, BAL 2023, riri kubera i Dakar muri Senegal.
