Ikigo gikurikirana amakuru y’ubutasi kitwa SITE Intelligence Group cyatangaje ko hari abasirikare 70 ba Benin bishwe n’abarwanyi b’Ishami rya Al Qaeda ryitwa JNIM mu gitero bagabweho kuri uyu wa Gatandatu Tariki 19, Mata, 2025.
Yaba Benin yaba Togo bituranye byombi ni ibihugu muri iki gihe byugarijwe n’ibitero by’abarwanyi b’imitwe y’iterabwoba imwe ishamikiye kuri Al Qaeda.
Iyo mitwe ifite indiri mu Majyaruguru y’ibihugu bigize ikitwa Sahel.
The Reuters yatangaje ayo makuru bwa mbere ntiyashoboye kuvugana n’abo ku ruhande rw’abavugwaho iterabwoba ngo bagire icyo bavuga kubyo bavugwaho.
Sahel ni ahantu abahanga mu bumenyi bw’isi bavuga ko hagabanya igice cyegereye Sudani gifite ahantu hahehereye n’igice kinini cy’ubutayu bwa Sahara.
Ibihugu bigize aka Karere ni Burkina Faso, Cameroon, Chad, Gambia, Guinea, Mauritania, Mali, Niger, Nigeria na Senegal.
