Abayoboke b’ishyaka rya CNL rya Agathon Rwasa biravugwa ko bari guhungira muri Tanzania ku bwinshi.

Iri shyaka riri mu yandi atavuga rumwe ritavuga n’ubutegetsi bwa Perezida Ndayishimiye mu Burundi.

Amakuru y’ihunga ry’aba bayoboke b’ishyaka CNL yatangiye kumenyekana kuva ku Cyumweru taliki 31, Werurwe, 2024.

Bivugwa ko abahunze bari mu miryango 23 igizwe n’abantu 100 barimo n’abagore n’abana.

Ni abo mu Ntara za Makamba,  Gitega na Ruyigi

Ikindi ni uko abo baturage b’Uburundi bageze muri Tanzania bashyirwa mu nkambi ya Nyarugusu, ikaba isanzwe icumbikiye abaturage 50,000.

Abahunze bavuga ko bavuye mu Burundi bahunze itotezwa bakorerwaga n’Imbonerakure.

Si ubwa mbere habayeho guhunga kuko ubuyobozi bw’iri shyaka bukunze kwandika amatangazo avuga ko abayoboke baryo bahohoterwa n’Imbonerakure.