Repubukika ya Centrafrique iri mu gihe kidasanzwe kubera ko inyeshyamba zugarije Umurwa mukuru Bangui.

Leta ifite impungenge ko ziriya nyeshyamba zishobora guhirika ubutegetsi.

Inyeshyamba zirwanya Leta zamaze kwigarurira bibiri bya gatatu by’igihugu, ubu zamaze gusatira Bangui.

Loni yatangaje ko igihugu kiri mu kaga.

Inyeshyamba zivuga ko zitemeye ibyavuye mu matora y’Umukuru w’Igihugu aheruka yatsinzwe na Faustin Archange Touadera.

Ubutegetsi bwa Centrafrique bushinja François Bozizé kuba inyuma y’ibitero bya ziriya nyeshyamba nyuma y’uko abimujijwe kwiyamamaza mu matora y’Umukuru w’igihugu yabaye tariki 27, Ukuboza, 2020.

Perezida Touadera aherutse kuvuga ko abagira uruhare mu kubuza amahoro abaturage bazafatwa bakagezwa mu butabera.
Bozizé, wigeze kuyobora Centrafrique muri 2003, ahakana ibyo ashinjwa.

Yavanywe ku butegetsi muri 2013.
Abaturage 200 000 bavanywe mu byabo kubera intambara imaze igihe muri kiriya gihugu.

Centrafrique yoherejwemo abasirikare barimo n’ab’u Rwanda n’Umuryango w’Abibumbye mu butumwa bwo kugarura amahoro mu kitwa MINUSCA.