Didier Gomez Da Rosa wigeze kuba umutoza wa Rayon Sports yasinye nk’umutoza mushya wa Simba FC yo muri Tanzania. Iyi kipe yari iherutse kwirukana Umubirigi Sven Vandrenbroeck werekeje muri Far Rabat yo muri Morocco.
Didier Gomez Da Rosa yari asanzwe ari umutoza wa El Merrikh yo muri Sudani akaba yarayihesheje tike yo kujya mu matsinda mu mikino y’amarushanwa y’amakipe yabaye aya mbere iwayo ku mugabane wa Afurika.
Simba FC ibaye ikipe ya cyenda Didier Gomez Da Rosa atoje ku Mugabane wa Afurika.
Muri yo harimo Rayon Sport yo mu Rwanda.
Simba kandi yahawe umutoza w’abanyezamu ukomoka muri Brazil witwa Milton Nienova.
Amakipe yatojwe na Didier Gomez muri ni aya:
Rayon Sports yo mu Rwanda, El Merrikh SC yo muri Sudan , CS Constantine na JSM Skikda zo muri Algeria, Ethiopian Coffee yo muri Ethiopia, Horoya yo muri Guinea, Ismaily yo mu Misiri na Coton Sports yo muri Cameroon.
Umufaransa Didier Gomez Da Rosa yafashije Rayon Sports gutwara igikombe cya Shampiyona ya 2012/ 2013.
Yaje kuyivamo ajya muri Algeria gutoza amakipe y’aho.
