Umwe mu ba Komiseri bakuru muri FPR Inkotanyi ku rwego rw’igihugu Nathalie Munyampenda avuga ko kuba urubyiruko ruherutse kuzuza imyaka yo gutora ari iby’ingenzi.

Ni mu kiganiro gito yahaye itangazamakuru nyuma y’ikiganiro ubuyobozi bukuru by’uyu muryango bwaraye buhaye itangazamakuru.

Munyampenda avuga ko urubyiruko nk’urwo rukwiye kwishimira ko rugiye kugira ijwi mu gutora abazayobora mu gihe kiri imbere.

Guhera kuri uyu wa Gatandatu nibwo mu Rwanda hatangira ukwiyamamaza.

Umuryango FPR Inkotanyi uratangira kwamamariza Umukandida wawo mu Karere ka Musanze muri Busogo.