Umuyobozi w’ingabo za UN muri Sudani y’Epfo zitwa The United Nations Mission in South Sudan (UNMISS), Lt Gen Mohan Subramanian yasuye icyicaro cy’ingabo z’u Rwanda ziri muri iki gihugu azishimira umuhati zishyira mu bikorwa byo kurinda abahatuye.

Umuyobozi w’ingabo z’u Rwanda muri iki gihugu witwa Col John Tyson Sesonga yashimye uko baje kubasura no kubashimira uko bashyira mu bikorwa inshingano zabo.

Lt Gen Mohan Subramanian yashimye ko ingabo z’u Rwanda zikorana umurava aho ziri hose, ko ziba intangarugero muri byinshi.

Kubasura byarangijwe no gutera igiti cy’urwibutso rw’ubufatanye no kwibukiranya akamaro ko kurengera ibidukikije.