Mu masaha y’umugoroba wo kuri uyu wa Mbere taliki 16, Ukwakira, 2023 nibwo Perezida wa Gabon uherutse gukura ku butegetsi Ali Bongo yageze mu Rwanda. Nyuma yo guhura na bamwe mu baturage b’igihugu cye baba mu Rwanda, Gen Brice Clotaire Oligui Nguema yahuye na mugenzi we uyobora u Rwanda Paul Kagame.

Ku rubuga rwa X rw’Ibiro By’Umukuru w’u Rwanda, handitseho ko Perezida Kagame yaganiriye na mugenzi we ku bibazo bireba umubano hagati ya Kagali na Libreville, uko ibintu byifashe muri Afurika, uko byifashe mu Burasirazuba bw’Afurika ndetse n’ahandi ku isi.

Gen Brice Clotaire Oligui Nguema aherutse guhirika ku butegetsi Ali Bongo wari ukimara gutangazwa ko ari we watsinze amatora y’Umukuru w’igihugu ariko abasirikare banga kubyemera baramuhirika.

Abaturage bishimiye ibyakozwe n’ingabo zarindaga Bongo, bajya mu muhanda gushyigikira abahiritse Bongo.