Umutwe urwanya ubutegetsi bw’i Kinshasa witwa M23 wacishije kuri X itangazo ry’uko watangije ubuyobozi bw’abawushyigikiye mu mahanga( Diaspora), bikaba bikubiye mu cyemezo Nomero N° 036/PRES-M23 /2024 cyo ku wa 10, Kamena, 2024.
Uwatorewe kuyobora diaspora ya M23 ni Manzi Ngarambe Willy uzaba wungirijwe na Muheto Jackson na Muhire John.
Uyu mutwe watangaje ko abayobozi ba Diaspora bashyizweho n’uriya mwanzuero ari Umuhuza bikorwa mukuru n’Umuhuzabikorwa wungirije bakorera hanze ya Repubulika ya Demukarasi ya Congo.
Mouvement Du 23 Mars ( M23) itangaza ko imikorerer ya diaspora yayo ari uburyo bwo kongerera imberaga imikorere y’uyu muryango umaze iminsi warihuje n’undi wa politiki bakora icyo bise l’Alliance Fleuve Congo.
Intego yabo ni ukurwanira ko abaturage ba DRC bavuga Ikinyarwanda bahabwa uburenganzira bungana n’ubw’abandi mu gihugu cyabo.
Itangazo ry’uyu mutwe rivuga kandi ko gushyiraho ziriya nzego bigamije ahanini gushyiraho uburyo buhamye bwo gukorera hamwe no kubyaza umusaruro gahunda zisanzweho.
