Mu byishimo byinshi haba kuri we no ku bana bari baje muri Village Urugwiro, Madamu Jeannette Kagame kuri uyu wa Gatandatu yaraye abahaye ibikoresho bizabafasha ubwo bazaba basubiye kwiga.
Bakinnye bararirimba, berekana imikino bize bakiri bato, baganira kuri byinshi mu munezero uranga abana n’ababyeyi.
Kwifuriza abana Noheli n’Ubunani ni ikintu Jeannette Kagame akora buri mwaka iyo mu gihugu nta cyorezo gihari cyangwa ikindi kintu gikomeye cyatuma adategura uwo munsi.
Uyu munsi witabirwa n’abana bahagarariye abandi hirya no hino mu gihugu, baba baherekejwe na bamwe mu babyeyi babo ndetse n’abayobozi muri Minisiteri y’Uburinganire n’Iterambere ry’Umuryango.
