Igikomangoma Philip wari umaze imyaka 73 ari umugabo w’Umwamikazi Elisabeth II w’u Bwongereza yashyinguwe, mu muhango wabaye mu muhezo kuri uyu wa Gatandatu.

Yabanje gusezerwago mu isengesho ryabereye muri Chapelle yitiriwe Mutagatifu George, iri mu bice by’ingoro y’ubwami ya Windsor.

Ni umuhango wari watumiwemo abantu 30 kubera ingamba zashyizweho n’u Bwongereza zo kwirinda icyorezo cya COVID-19. Abo barimo abantu bakomeye mu muryango w’ibwami, abantu babo ba hafi n’inshuti za Philip.

Umurambo we watwawe muri Land Rover yagize uruhare mu gusushanya, igenda igaragiwe n’abana be, inyuma hakurikiraho umuryango we.

Umwamikazi Elisabeth II yahageze mu gihe cye wenyine, ndetse mu gihe cy’isengesho yari yicaye ukwe.

Philip yitabye Imana ku wa 9 Mata, afite imyaka 99.