Urwego rw’Ubugenzacyaha bwafunze umupasiteri witwa Harerimana Joseph uzwi kw’izina rya YONGWE. Kuri iki Cyumweru nibwo yatawe muri yombi, akurikiranyweho icyaha cyo kwihesha ikintu cy’undi hakoreshejwe uburiganya.
Afungiye kuri Sitasiyo ya Kimihurura, mu gihe dosiye ye iri gutunganywa ngo yohererzwe mu bushinjacyaha mu gihe cyagenwe n’Itegeko.
Umuvugizi wa RIB Dr.Thierry B. Murangira asaba abantu kumenya ibyo amategeko ateganya mu kazi kabo ka buri munsi kandi akabibutsa kubahiriza amategeko ari bwo buryo bwiza bufasha buri muntu gukora ibyo akora atekanye.
Icyaha Pasiteri Yongwe aregwa kimuhamye, yahanishwa igifungo kitari munsi y’imyaka ibiri (2) ariko kitarenze imyaka itatu (3) n’ihazabu y’amafaranga y’u Rwanda atari munsi ya miliyoni 3.000.000- 5,000,000 FRW.
