Nk’Umugaba w’ikirenga w’ingabo z’u Rwanda n’izindi nzego z’umutekano, Perezida Paul Kagame yaraye agiranye ikiganiro n’ubuyobozi bukuru bw’izi nzego.

Uretse abayobozi bakuru ba Polisi n’ingabo z’u Rwanda, muri iyo nama harimo n’ubuyobozi b’Urwego rw’igihugu rw’umutekano n’iperereza, National Intelligence and Security Services, NISS.

Perezida Kagame yaganiriye nabo ku ngingo zitandukanye zirebana n’umutekano w’u Rwanda ndetse n’uburyo umutekano warushaho kubungwabungwa hashingiwe ku byo u Rwanda rukeneye kurusha ibindi.