Taarifa
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Reading: Samia Suluhu Hassan Usura U Rwanda Ni Muntu Ki?
Font ResizerAa
TaarifaTaarifa
  • English VesrsionEnglish VesrsionEnglish Vesrsion
Search
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Have an existing account? Sign In
Follow US
© 2022 Foxiz News Network. Ruby Design Company. All Rights Reserved.
Ububanyi n'Amahanga

Samia Suluhu Hassan Usura U Rwanda Ni Muntu Ki?

Umwanditsi wa Taarifa
Last updated: 02 August 2021 5:50 am
Umwanditsi wa Taarifa
Share
SHARE

Suluhu yavutse tariki 27, Mutarama, 1960. Yavukiye ahitwa Makunduchi mu Mujyi wa Unguja mu kirwa cya Zanzibar.

Mu mwaka wa 1978 nibwo yubatse urugo ashakana na Hafidh Ameir, uyu akaba ari umusirikare wagiye ku kiruhuko cy’izabukuru nyuma akajya mu mwuga w’ubuhinzi wamuhiriye.

Bafitanye abana bane, umukobwa wabo wa kabiri witwa Wanu Hafidh Ameir akaba ari Umudepite mu Nteko ishinga amategeko ya Zanzibar.

Uyu mukobwa wabo yavutse mu mwaka wa 1982.

- Kwmamaza -
Ad imageAd image

Samia Suluhu Hassan ni Umunyapolitiki ukomeye muri Tanzania, ubu akaba ari Perezida wa Gatandatu wa Tanzania.

Ari mu ishyaka ry’aba Sosiyo-Demukarate( Socio-Democratic) rimaze igihe kinini ku butegetsi muri Tanzania bita  Chama Cha Mapinduzi (CCM).

Niwe Perezida wa Mbere w’Umugore uyoboye Tanzania kuva yabona ubwigenge.

Urebye usanga uri umugore wa Gatatu mu Karere k’Ibiyaga Bigari ugiye ku mwanya ukomeye mu butegetsi nyubahiriza tegeko( Executive) nyuma ya Agatha Uwiringiyimana wabaye Minisitiri w’Intebe mu Rwanda na Sylvie Kinigi nawe wagiye kuri uyu mwanya mu Burundi akayobora guhera mu mwaka wa 1993 kugeza mu mwaka wa 1994.

Nka kavukire wa Zanzibar, Suluhu yigeze kuba Minisitiri muri kiriya kirwa ubwo cyayoborwaga na Amani Karume.

- Advertisement -

Yabaye intumwa ya rubanda mu Nteko ishinga amategeko ya kiriya kirwa guhera mu mwaka wa 2010 kugeza mu mwaka wa 2015.

Muri iriya myaka kandi yari Umunyamabanga wa Leta mu Biro bya Visi Perezida wa Zanzibar ushinzwe ibireba ubumwe bw’Abanyatanzania(Union Affairs).

Mu mwaka wa 2014, yatorewe kuba Umuyobozi wungirije  Perezida w’Inteko ishinga amategeko ya Zanzibar, ashingwa kuyobora Akanama kari gashinzwe gutegura umushinga w’Itegeko nshinga rishya.

Mu matora yabaye mu mwaka wa 2015, nibwo yatorewe kuba Visi Perezida wa Tanzania yungirije Joseph Pombe Magufuli, bombi bakaba bari ku itike ya Chama Cha Mapenduzi.

Bongeye gutorwa mu mwaka wa 2020.

Suluhu yatangiye akazi kamuhembaga amafaranga akirangiza amashuri yisumbuye, akaba yarakoraga muri Minisiteri y’imigambi ya Leta n’Amajyambere rusange.

Nta gihe kinini cyashize, abona akazi mu Ishami ry’Umuryango w’Abibumbye rishinzwe ibiribwa ku isi, World Food Programme.

Nyuma ariko, yakomeje n’amasomo akajya abibangikanya n’akazi. Mu mwaka wa 1986 yabonye impamyabumenyi y’icyiciro cya kabiri cya Kaminuza mu ishuri rikuru ryitwaga Institute of Development Management (ubu ni  Mzumbe University) ahakura impamyabumenyi mu by’ubutegetsi na politiki.

Hagati y’umwaka wa 1992 n’umwaka wa 1994 yagiye kwiga muri Kaminuza y’i Manchester mu Bwongereza ahakura impamyabumenyi mu by’ubukungu.

Mu mwaka wa 2015 yabonye impamyabumenyi ihanitse mu by’ubukungu n’iterambere ry’abaturage yavanye mu masomo akomatanyije yakurikiraniye muri Open University of Tanzania na  Southern New Hampshire University yo mu Bwongereza.

Kubera ko ari we wari wungirije Perezida Magufuli, Suluhu niwe watangarije abaturage b’igihugu cye ko uwari Perezida wabo John Pombe Magufuli yitabye Imana.

Itegeko nshinga rya Tanzania ryateganyaga ko ari we[nka Visi Perezida] wagombaga guhita amusimbura kandi ni uko byagenze ndetse arahirira imirimo ye mishya tariki 19, Werurwe, 2021.

Yari yungirije Pombe Magufuli

Niwe Mukuru w’Igihugu cya Tanzania wa mbere w’umugore akaba uwa Gatatu ukomoka muri Zanzibar nyuma ya Ali Hassan Mwinyi na Jakaya Kikwete.

Muri iki gihe Samia Suluhu Hassan ni umugore wa kabiri muri Afurika uyobora igihugu nyuma ya Perezida wa Ethiopia witwa Sahle-Work Zewde.

Samia Suluhu yatowe hari hasigaye imyaka itatu ngo Magufuli yasimbuye arangize manda ye.

Niyongera kwiyamamaza azaba afite uburenganzira bwo gutorerwa manda imwe gusa.

Ku butegetsi bwe, Samia Suluhu Hassan yakoze uko ashoboye ngo abaturage be birinde COVID-19 kandi ubu batangiye no guhabwa inkingo.

Suluhu niwe wabahaye urugero ubwo yikingizaga mu gihe gito gishize. Nyuma yashishikarije abaturage kumwigana, nabo bagakingirwa.

Yabaye uwa mbere wakingiwe COVID-19 muri Tanzania kandi abishishikiriza n’abandi baturage

Yabibukije ko Tanzania ‘atari akarwa’ kari mu isi konyine, ko abayituye bagomba kwikingiza nk’uko n’ahandi ku isi bikorwa.

TAGGED:featuredRwandaSamia Suluhu HassanTanzaniaZanzibar
Share This Article
Facebook Twitter Whatsapp Whatsapp Telegram Threads
Previous Article Igiciro Cyo Kwipimisha COVID-19 Cyagabanyijwemo Kabiri
Next Article Aho Umubyibuho Ukabije Uhurira N’Inkomoko Y’Umuntu
Tanga igitekerezo

Leave a Reply Cancel reply

Your email address will not be published. Required fields are marked *

- Advertisement -

Aheruka

Perezida Kagame Mu Nama Na Bagenzi Be Yiga Ku Iterambere Rya Afurika

Ngirente Ashima Uruhare Rwa Rwandair Mu Guhuza Afurika

U Rwanda Rurafungura Ambasade Muri Hongrie

Rwanda: Abana Basobanukiwe Ibidukikije Bagiye Kubisangiza Abandi

Nyarugenge: Bafatanywe Ubwoko 31 Bw’Amavuta Yangiza Uruhu

- Advertisement -
Ad imageAd image
- Advertisement -

Trending News

Rwanda: Abagabo Bapfa Baruta Ubwinshi Abagore

Kagame Ari Mu Bufaransa 

Abasirikare Batatu B’u Rwanda Biciwe Muri Mozambique 

Roma: Gutora Papa Ku Munsi Wa Mbere Byananiranye

Aba Cardinals Batora Papa Bamaze Gushyira Ibintu Ku Murongo…

You Might Also Like

Mu RwandaUbumenyi N'Ubuhanga

Niba Utabasha Guhagarara K’Ukuguru Kumwe Mu Masogonda 10 Umenye Ko Washaje…

Yandtswe na Umwanditsi wa Taarifa
Mu mahangaPolitiki

Bobi Wine Agiye Kongera Kwiyamamariza Kuyobora Uganda

Yandtswe na Umwanditsi wa Taarifa
Mu mahangaPolitiki

Papa Leo XIV Yasuye Imva Y’Uwo Aherutse Gusimbura

Yandtswe na Umwanditsi wa Taarifa
Mu RwandaUbutabera

Amazi Yabereye Abatutsi Irimbi Kandi Asanzwe Ari Ubuzima

Yandtswe na Umwanditsi wa Taarifa

Taarifa is a Rwandan News Platform telling true stories by delivery quick, in-depth and exclusive news on Social, Political, and Economic issues.

  • +250788316164
  • +25078457033
  • [email protected]
  • [email protected]
Facebook Twitter Youtube Instagram Flickr Tiktok

Mu Rwanda

  • Politiki
  • CHOGM-2022
  • Umutekano
  • Ubukungu

Mu Mahana

  • Mu Mahanga

Mu Mahana

  • Imikino
  • Imyidagaduro

Indimi

English

Francais

© 2015-2023 Copyright Taarifa.rw | All rights reserved.

  • Advertise
  • About Us
  • Contact
  • Privacy Policy
  • Terms & Conditions
Go to mobile version
Welcome Back!

Sign in to your account

Lost your password?