Denis Sassou Nguesso yatorewe gukomeza kuyobora Repubulika ya Congo, nyuma y’imyaka 36 amaze ku butegetsi.

Amajwi y’agateganyo agaragaza ko Nguesso w’imyaka 77 yatowe ku majwi 88.57 ku ijana. Gusa ibyavuye muri ayo matora yabaye ku wa 20 Werurwe byamaganwe n’abatavuga rumwe n’ubutegetsi.

Muri aya matora ariko havuzwe cyane urupfu rw’uwari uhanganye na Nguesso mu buryo bukomeye, Guy-Brice Parfait Kolelas, waje kwicwa na COVID-19 mbere y’uko ibyavuye mu matora bitangazwa. Yabonye amajwi 7.84 ku ijana.

Nguesso ayobora Repubulika ya Congo kuva mu 1979. Yaje kuva ku butegetsi mu 1992 abusubiraho mu 1997.