Kuri uyu wa Gatandatu taliki 06, Mata, 2024 umugaba mukuru w’ingabo za Repubulika ya Tchèque witwa Lieutenant General Karel Řehka n’abagize itsinda rye bahuye na muganzi we uyobora iz’u Rwanda General Mubarakh Muganga baganira uko impande zombi zikomeza gukorana.
Umugaba w’ingabo za Tchèque kandi yaganiriye na Minisitiri w’ingabo z’u Rwanda Juvénal Marizamunda
Gen Řehka yavuze ko yaje mu Rwanda cyane cyane mu rwego rwo kwifatanya n’Abanyarwanda n’isi mu kwibuka Jenoside yakorewe Abatutsi mu mwaka wa 1994.
Yunzemo ko mu biganiro yagiranye na mugenzi we uyobora ingabo z’u Rwanda bibanze mu gusuzumira hamwe ibice by’ubufatanye mu bya gisirikare babona byakongerwamo imbaraga.
