Amakuru aravuga ko Carlos Alòs Ferrer wari umutoza mukuru w’Amavubi aherutse kwandikira FERWAFA ayisaba gusesa amasezerano mashya yari aherutse gusinyana nayo. Yari ayo gukomeza kuyatoza mu myaka ibiri iri imbere.

Bagenzi bacu ba UMUSEKE dukesha aya makuru bavuga ko umwe mu nshuti za hafi za Carlos Alòs Ferrer yababwiye ko hari ahandi yabonye akazi kazamuha umushahara ikipe y’u Rwanda itamuhaga.

Uyu mugabo ukomoka muri Espagne agiye kuva mu murimo wo gutoza Amavubi ayatoje imikino 12.

Muri iyo yose yatsinzemo umwe(1), anganya imikino ine(4), atsindwa imikino itandatu(6).