Menu
Indimi
Advert

Imikino

Victory TV Yabujijwe Kongera Kwerekana Imikino Ya Premier League na UEFA Champions League

Yanditswe kuwa

Ihuriro ry’amashyirahamwe y’umupira w’amaguru i Burayi (UEFA), ubuyobozi bwa Shampiyona y’umupira w’amaguru mu Bwongereza (Premier League) na Canal + International nk’ikigo gifite uburenganzira bwo kwerekana mu Rwanda imikino bategura, batangaje ko bakiriye icyemezo cy’urukiko kibuza Victory TV kongera gukora ubujura bw’amashusho binyuze mu kwerekana imikino idafiteho uburenganzira.

Urukiko rwaherukaga gutegeka Victory TV Ltd guhagarika kwerekana mu Rwanda imikino ya shampiyona y’icyiciro cya mbere mu Bwongereza na UEFA Champions League kuko nta burenganzira ibifitiye, ahubwo bufitwe na Canal +.

Kiriya kigo nticyahise kibihagarika, ahubwo cyitabaje Urukiko rw’ubujurire narwo rutesha agaciro ubusabe bwacyo mu cyemezo No RCOMAA 00093/2020 / CA, cyatanzwe ku ya 16 Nyakanga 2021.

Rwemeje ko hakomeza kubahirizwa icyemezo cy’urukiko rwa mbere, rwategetse ubuyobozi bya Victory TV guhagarika kwerekana ku butaka bw’u Rwanda mu buryo butemewe imikino y’icyiciro cya mbere cya shampiyona y’umupira w’amaguru mu Bwongereza ndetse n’imikino ya UEFA Champions League.

Itangazo rihuriweho rikomeza riti “UEFA, Premier League na Canal + International bizeye ko uburenganzira bwabo buzubahirizwa byimazeyo na Victory TV nyuma y’iki cyemezo.”

“Aba bafatanyibikorwa bizeye ubutabera bw’u Rwanda bafatanyije na RURA (Ikigo ngenzuramikorere) kugira ngo bakomeze bakurikirane ishyirwamubikorwa ry’icyi cyemezo kugirango Victory TV idakomeza kubangamira inyungu zabo.”

UEFA na Premier League bavuga ko kwerekana amashusho y’amarushanwa yabo batabiherewe uburenganzira ari ukubangamira uburenganzira ku mutungo bwite, kandi bishimiye iki cyemezo cyatanzwe n’urukiko mu kurengera inyungu zabo.

Amakuru yemeza ko nyuma y’icyemezo cya kabiri, Victory TV yahise ihagarika kwerekana iriya mikino.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement Enter ad code here