Abatuye Umurenge wa Juru mu Karere ka Bugesera bahawe amazi ahagije yatunganyijwe binyuze mu muyoboro wubatswe ku bufatanye bwa Minisiteri y’ibikorwa remezo, Water Aid na WASAC.
Ni umuyoboro ufite uburebure bwa kilometero 49.
Ubuyobozi bw’Umurenge wa Juru buvuga ko abaturage bawo bari bamaze igihe bakoresha amazi yanduye bavomaga mu biyaga cyangwa mu ruzi rw’Akagera.
Akarere ka Bugesera niko ka mbere mu Rwanda gafite ibiyaga byinshi bityo ibi bigatanga amahirwe y’uko abagatuye bashobora kubona amazi ahagije.
Umuhango wo gutaha uyu muyoboro witabiriwe na Minisitiri w’ibikorwa remezo Dr. Jimmy Gasore, Umunyamabanga nshingwabikorwa w’Intara y’Uburasirazuba Dr. Jeanne Nyirahabimana, Meya w’Akarere ka Bugesera na Prof Omar Munyaneza uyobora WASAC.
