Mu burakari bwinshi, abaturage ba Repubulika ya Demukarasi ya Congo batwitse ibendera rya Amerika. Bayishinjaga ko ari iyo ifasha u Rwanda na Uganda gutera DRC, bakavuga ko batwitse iri bendera kugira ngo bereke Amerika ko ibyo ikora batabyishimiye.
Uwari uyoboye iki gikorwa yavugaga ko mu bihe bitandukanye Amerika yagaragaje ko idashyigikiye ibibera muri kiriya gihugu ariko ngo bo basanze ari urwiyerurutso.
Amashusho yashyizwe kuri X yagaragazaga abantu benshi biganjemo urubyiruko bicaye bateze amatwi uwo muntu wababwiraga ibibi by’Amerika mu Ilingala.
Icyo yababazaga bamusubizaga mu ijwi riranguruye bamushyigikiye.
Yabasabye guhaguruka bakerekana umujinya wabo, ababwira ko bagiye gushumika ibendera ry’Amerika mu rwego rwo kuyereka ko batayishimiye.
Kugeza ubwo iyi nkuru yandikwaga, nta butumwa bw’umuyobozi wa DRC bwari bwasohotse bwamagana iki gikorwa ndetse na Ambasade y’Amerika i Kinshasa yari itaragira icyo ibitangazaho.
Umva video babivugiyemo:
America should not tolerate its flag🇺🇸 being burned by Congolese under Tshilombo's leadership .there must be an action before Americans🇺🇸 begun to be abused in the DRC🇨🇩. Tshilombo should be prosecuted by international courts . #FreeCongo🇨🇩 #TshisekediIsKilling🇨🇩… pic.twitter.com/O42bFCATp2
— MINISTER of Happiness (@DrMumbogoSV) February 5, 2024
