Ku nshuro ya mbere rutahizamu w’u Bufaransa akagira n’inkomoko muri Algeria Karim Benzema,  yatwaye igihembo cy’umukinnyi wahize abandi mu mwaka wa  2021. Ni igihembo bita Ballon D’or gihabwa umukinnyi uhiga abandi ku isi.

Abakurikirana umupira w’amaguru ku isi bavuga ko Benzema yatwaye kiriya gihembo agikwiye k’uburyo ntawe ubishidikanyaho.

Benzema yatsinze Ibitego 44 Mu mikino 46.

Yafashije Real Madrid kwegukana Champions League na La Liga mu mwaka w’imikino wa 2021-22.

Mu cyiciro cy’abagore, iki gihembo cyegukanywe na kapiteni wa FC Barcelone, Alexia Putellas.

Agitwaye  ku nshuro ye ya kabiri yikurikiranya kuko yari Yagitwaye No Mu Mwaka Ushize.

Umwongerezakazi ukinira Arsenal Beth Mead yabaye uwa kabiri Naho Sam Kerr ukinira Chelsea aba uwa Gatatu.

Manchester City itozwa na Guardiola  yatwaye Shampiyona y’u Bwongereza, ikaba yari ifite abakinnyi batandatu mu batoranyijwemo uhabwa igihembo, yahembwe nk’ikipe y’umwaka ihigitse Liverpool

Mu buryo budasanzwe bwanatangaje benshi igihembo cyatanzwe kuri iyi  nshuro  cyazanywe muri Théâtre Du Châtelet mu modoka y’isiganwa n’umupilote w’Umufaransa Esteban Ocon ukina muri  F1.

Benzema abaye undi Mufaransa  ukomoka muri Algeria uhawe iki gihembo nyuma  ya Zinedine Zidane wagihawe  mu mwaka wa 1998.

Uko Abakinnyi bakurikiranye

1. Karim Benzema (Real Madrid, France).
2. Sadio Mane (Bayern Munich, Senegal).
3. Kevin De Bruyne (Manchester City, Belgium).
4. Robert Lewandowski (Barcelona, Poland).
5. Mohamed Salah (Liverpool, Egypt).
6. Kylian Mbappe (Paris St-Germain, France).
7. Thibaut Courtois (Real Madrid, Belgium).
8. Vinicius Junior (Real Madrid, Brazil).
9. Luka Modric (Real Madrid, Croatia).
10. Erling Haaland (Manchester City, Norway).
11. Son Heung-Min (Tottenham Hotspur, South Korea)
12. Riyad Mahrez (Manchester City, Algeria).
13. Sebastien Haller (Borussia Dortmund, Ivory Coast).
14. Fabinho (Liverpool, Brazil) Anganya Na Rafael Leao (Ac Milan, Portugal).
15. Virgil Van Dijk (Liverpool, Netherlands).
16. Luis Diaz (Liverpool, Colombia) Anganya Na Dusan Vlahovic (Juventus, Serbia) Na Casemiro (Manchester United, Brazil).
17. Cristiano Ronaldo (Manchester United, Portugal).
18. Harry Kane (Tottenham Hotspur, England).
19. Trent Alexander-Arnold (Liverpool, England) Anganya Na Phil Foden (Manchester City, England) Na Bernardo Silva (Manchester City, Portugal).
20. Joao Cancelo (Manchester City, Portugal.