Umuhanzi ukomeye mu Rwanda  Bruce Melodie yanditse kuri Twitter ko yikomye ikinyamakuru cyo mu Rwanda gikomeye kubera ko avuga ko cyamubeshyeye.

Yanditse kuri Twitter ko ‘bibabaje’ kubona ikinyamakuru yizeraga cyatangaje amakuru atari yo.

Avuga ko kuba cyabitangaje cyarangiza kigashyiramo n’inzego z’umutekano z’igihugu cy’amahanga kandi ku makuru atari yo, bidakwiye.

Bruce Melodie avuga ko ubwo yari ari mu Burundi yahawe umwanya uhagije wo kuririmba kandi ngo ntawigeze amuhagarikira igitaramo.

Icyo kinyamakuru tutari buvuge amazina cyari cyatangaje ko uyu muhanzi ukomeye mu Rwanda yahagarikiwe igitaramo atakirangije.