Buhigiro apfuye afite impamyabumenyi y’ikirenga, PhD, akaba yari umuhanzi ndetse yigeze no kuba umunyezamu wa Rayon Sports. Ubuyobozi bw’iyi kipe nibwo bwamubitse ku rubuga rwarwo.
Rayon Sports yatangaje iti: “ Dr Jacques Buhigiro watubereye umunyezamu wa mbere, yitabye Imana… Rest in Peace Legend.”
Dr Bihigiro kandi yabaye mu Kigo cy’abafite ubumuga cy’i Gatagara aho yitaga ku bana baharererwaga akabagorora imitsi n’imikaya, ibyo bita Kine.
Dr Jacques Buhigiro watubereye (@rayon_sports) umunyezamu wa mbere, yitabye Imana…
Rest in Peace Legend. #Gikundiro | #OneTeamOneDream pic.twitter.com/mg7fFRI3VA
— Rayon Sports Official (@rayon_sports) April 14, 2022
Ubwo yaririmbaga indirimbo yise ‘Amafaranga’, Jacques Buhigiro yavuze ko amafaranga afite amasura menshi kuko bamwe bayita ‘amahanya’ abandi bakayita ‘umukiro’.
Bamwe bati: “ Aragatsindwa, abandi bati’arakabyara’
Buhigiro kandi yavuze ko iyo Imana itaguhaye amafaranga, urayarunda ukayagwiza ariko akakunyura mu myanya y’intoki.
Mu bwenge bwe, Jacques Buhigiro yasanze amafaranga ariyo atunga abantu ariko akanabateranya.
Imirongo igize indirimbo’ Amafaranga’ ya Dr Jacques Buhigiro:
Tuyita amahanya
Tuyita umukiro
Tuyita amahanya
Tuyita umukiro
Yo gatsindwa, yo kabyara!
Amafaranga,
Amafaranga!amafaranga, amafaranga!
Iyo Imana itayaguhaye, urayarunda
Ukayarunda,
Akaguhita mu myanya y’intoki
Amafaranga, amafaranga, amafaranga!
Ni yo adutunga, ni yo aduteranya
Ni yo adutunga, ni yo aduteranya
Yo gatsindwa, yo kabyara!
Amafaranga,
Amafaranga!amafaranga, amafaranga!
Iyo Imana itayaguhaye, urayarunda
Ukayarunda,
Akaguhita mu myanya y’intoki
Amafaranga,
Amafaranga!amafaranga, amafaranga!
Ni yo agira incuti, ni yo agura incuti
Ni yo agira incuti, ni yo agura incuti
Yo gatsindwa, yo kabyara!
Amafaranga,
Amafaranga!amafaranga, amafaranga!
Iyo Imana itayaguhaye, urayarunda
Ukayarunda,
Akaguhita mu myanya y’intoki
Amafaranga, amafaranga, amafaranga!
