Ambasaderi Parfait Busabizwa yashyikirije Minisitiri w’Ububanyi n’Amahanga wa Repubulika ya Guinée Equatoriale, Simeon Oyono Esono Angue, kopi z’impapuro zimwemerera guhagararira u Rwanda muri icyo gihugu.
Uyu muhango wabereye i Malabo, ku mugoroba wo kuri uyu wa kane tariki ya 04, Ukuboza 2025.
Nyuma yo gutanga impapuro zimwemerera guhagararira u Rwanda muri Guinée Equatoriale, Ambasaderi Busabizwa yagiranye ikiganiro cyihariye na Minisitiri Simeon Oyono Esono Angue k’umubano hagati y’ibihugu byombi.
Baganiriye uko uwo mubano wakomeza ku nyungu z’ibihugu byombi.
Ubusanzwe Ambasade y’u Rwanda muri Congo Brazzaville ihagarariye n’inyungu z’u Rwanda muri Cameroun muri Gabon no muri Guinée Equatoriale.
Congo-Brazzaville ni igihugu kiri muri Afurika rwagati.
Mu Majyaruguru hari Cameroun na Centrafrique, mu Burasirazuba bushyira Amajyepfo hakaba Repubulika ya Demukarasi ya Congo, Uburengerazuba bukagira Gabon hanyuma mu Majyepfo ashyira Uburengerazuba hakaba Angola.
