CANAL+ yongereye iminsi ya poromosiyo mu rwego rwo gufasha Abanyarwanda gutunga Dekoderi ya HD(High Definition) kandi bakarushaho kwishimira gahunda zinyura ku mashene ya CANAL+ harimo n’irushanwa rya UEFA Champions League.
Guhera mu ntangiriro za Kanama, 2022, imikino y’i Burayi yarasubukuwe.
By’umwihariko, CANAL+ group yongereye amasezerano ayiha uburenganzira bwo kwerekana iyi mikino yose harimo SERIE A, BUNDESLIGA, LA LIGA, LIGUE 1 na Premier League.
Guhera Taliki 06, Nzeri 2022, irushanwa riruta ayandi i Burayi, UEFA Champions League, naryo rizasubukurwa. Amakipe yose yamaze gutombora ayo bazakina kandi imikino yose y’iri rushanwa izanyura ku mashene ya CANAL+ SPORT.
Mu rwego rwo gufasha Abanyarwanda gukomeza kwishimira ibi byiza, CANAL+ yongereye iminsi ya Poromosiyo yari yarabageneye.
Guhera Taliki ya 01, Nzeri, 2022 kugeza Taliki 11 Nzeri 2022, Dekoderi ya CANAL+ iragura Frw 5,000 naho igiciro cya installation( kuyimanika ahabugenewe) nacyo ni Frw 5,000.
