Mu gihe Shampiyona z’imikino y’i Burayi zigeze aharyoshye, CANAL+ yatekereje ku Banyarwanda  bifuza gutunga Dekoderi n’ibikoresho byayo ibashyiriraho Poromosiyo izarangirana n’ukwezi kwa Kanama, 2022.

 Kuva Taliki 05 Kanama 2022, Shampiyona zikomeye ku mugabane w’i Burayi zarasubukuwe.

By’umwihariko, CANAL+ Group yongereye amasezerano y’uburenganzira bwo kwerekana iyi mikino yose harimo SERIE A yo mu Butaliyani, BUNDESLIGA yo mu Budage, LALIGA yo muri Espagne, LIGUE 1 yo mu Bufaransa, Shampiyona yo mu Bwongereza, Premier League ndetse n’imikino y’igikombe kiruta ibindi mu Burayi cya UEFA Champions League.

Mu rwego rwo gufasha Abanyarwanda kuryoherwa n’ibi byiza, CANAL+ yatangije poromosiyo igenewe abifuza gutunga ibikoresho byayo.

Guhera kuri uyu wa Gatanu taliki 19 Kanama 2022 kugeza tariki 31 Kanama 2022, Dekoderi ya CANAL+  iragura Frw 5,000  mu gihe igiciro cya kuyimanika  (installation)cyashyizwe ku Frw 5,000.

Ishami rishinzwe ubucuruzi muri CANAL+ Rwanda yatangaje ko iyi Poromosiyo yashyizweho mu rwego rwo kurushaho korohereza Abanyarwanda kubona serivisi za CANAL+ mu buryo bworoshye ndetse no kuryoherwa na porogaramu z’ingeri zose  ibagezaho.

CANAL+ ifite abacuruzi hirya ni hino mu Rwanda n’amaduka yayo mu Mujyi wa Kigali afasha umukiliya kubona Dekoderi mu buryo bworoshye.