Mu Ntara ya Kivu y’Amajyaruguru ahitwa Beni haravugwa ubwicanyi bwakozwe n’abarwanyi na ADF buhitana abantu 35.

Radio Mpuzamahanga y’Abafaransa, RFI, niyo ibyemeza.

Bishwe hakoreshejwe intwaro gakondo kandi abandi batandatu nabo barakomerekejwe bikomeye.

Nyuma yo kubica bagakomeretsa n’abandi, abarwanyi ba ADF bashumitse inzu z’abo baturage zirakongoka.

Umuvugizi w’ingabo za Repubulika ya Demukarasi ya Congo zikorera muri kariya gace witwa Capitaine Anthony Mwalushayi avuga ko abarwanyi ba ADF bashimuse n’abandi baturage bo muri kariya gace.