Amakuru acaracara kuri X  aravuga ko hari igisasu cya missile cyarashwe n’imwe muri drones za Leta ya DRC mu bice bicungwa M23.

Aya makuru yiriwe acicikana ku mbuga nkoranyambaga aravuga ko biriya bitero byagabwe saa moya z’umugoroba wo kuri uyu wa Gatandatu ahitwa Nyongera.

Nta mubare cyangwa amazina y’abo ibyo bisasu byahitanye biratangazwa.

Mu mwaka wa 2023 nibwo ubutegetsi bwa Kinshasa bwaguze izi drones mu Bushinwa.

Ni indege z’intambara zidapfa kubonwa na radars zo mu bwoko bwa CASC Rainbow CH-4.

Aya makuru avuzwe hashize igihe gito abasirikare ba SADC bageze muri Repubulika ya Demukarasi ya Congo ngo bayifashe kwirukana abarwanyi barimo na M23.