Perezida Paul Kagame akaba n’Umugaba w’ikirenga w’ingabo z’u Rwanda yirukanye mu ngabo z’u Rwanda Major General Martin Nzaramba na Col Etienne Uwimana n’abandi ba ofisiye bakuru muri izi ngabo.
Ibi bikubiye mu itangazo rimaze gusohorwa na Minisiteri y’ingabo z’u Rwanda rigaragara ku rukuta rwayo rwa X.
Gen Nzaramba ni umwe mu basirikare bakuru bahawe inshingano zikomeye zirimo no kuyobora Ikigo gitoza abinjiye mu ngabo z’u Rwanda bwa mbere kiri i Nasho mu Karere ka Kirehe.
Nzaramba hamwe n’abandi basirikare birukanywe nyuma gato y’inama yaraye ihuje Perezida Kagame n’abayobozi bakuru mu ngabo z’u Rwanda.
