Kuri uyu wa Gatatu nibwo indege ya mbere itwaye inkingo za COVID-19 yageze Accra muri Ghana. Izo nkingo zihawe Ghana mu rwego rw’ubufatanye mpuzamahanga bugamije gufasha Isi kubona inkingo za kiriya cyorezo kimaze kwica benshi.
Iriya ndege yari izanye inkingo 600 000.
Ghana isanzwe ituwe n’abaturage barenga miliyoni 31.
Mbere y’uko yohererezwa ziriye nkingo, Ghana yabanje koherereza OMS/WHO inyandiko isobanutse yerekana uko izakoresha ziriya nkingo.
Iriya nyandiko ikubiyemo uburyo abantu bazakingirwa, abazabakingira, imyambaro y’uburinzi, ahantu n’igihe gukingira bizakorerwa n’ibindi.
Inkingo 600 000 zageze muri Ghana zakozwe n’ikigo cya mbere ku isi gikora urukingo rwa COVID-19 ku bwinshi cyo mu Buhinde kitwa Serum Institute of India.
Indege yazigejeje i Accra yari yahagurutse i Mumbai ku wa Kabiri tariki 23, Gashyantare, 2021.
Umushinga wo gusaranganya inkingo wiswe COVID-19 biteganyijwe ko uzatanga inkingo miliyari 2.3.
Ikibabaje ni uko inkingo zirenga hafi ½ cyazo cyatwawe n’ibihugu bikize. Ibi byatangajwe na Kaminuza ya Duke.
