Menu
Indimi
Advert

Umutekano

Nigeze Gukora Ikosa Manura Agapfukamunwa, Barankebuye Ndabireka: CP Kabera

Yanditswe kuwa

Umuvugizi wa Polisi Commissioner of Police John Bosco Kabera yavuze ko hari igihe yigeze kumanura agapfukamunwa avugana n’abanyamakuru ariko bamukebuye arabireka.

Yabyanditse kuri Twitter nyuma y’uko hari abakoresheje urwo rubuga bashyiraho ifoto yamanuye agapfukamunwa bamubwira ko nawe agomba kuzirikana ko COVID-19 nawe yamufata.

Yasubije ko nyuma yo gukeburwa yahise yiha intego yo kutazongera kukamanura.

Kuri Twitter yanditse ati: “…Hano rero hari cyera nkora ikosa ryo kumanura agapfukamunwa mvugisha abanyamakuru, nahise nkeburwa kuburyo kuva icyo gihe kugeza ubu nkambara neza cyane. Twese rero dukomeze kubahiriza amabwiriza yose yo kwirinda koronavirusi.”

Ku mbuga Polisi ihuriraho n’abanyamakuru byari byiriwe byabaye ikiganiro gishyushye nyuma y’uko kuri Twitter uwiyise UMUKARITASI abajije CP Kabera impamvu we yigeze kugaragara atambaye neza agapfukamunwa.

Umuvugizi wa Polisi yiseguye ko yigeze kwambara ‘nabi’ agapfukamunwa ariko baramukebura, kuva icyo gihe ntarongera!

Inzego z’ubuzima zikomeje kwibutsa abaturage akamaro ko kwambara neza agapfukamunwa nk’imwe mu ngamba zo kwirinda COVID -19.

COVID-19 ntitinya impuzankano iyo ariyo yose…

 Inshuro nyinshi Umuvugizi wa Polisi y’u Rwanda Commissioner of Police ( CP) John Bosco Kabera yabwiye Abanyarwanda ko icyorezo COVID-19 ntawe gitinya.

Aherutse kubwira Taarifa ko n’ikimenyimenyi hari umupolisikazi kishe ubwo yari mu kazi k’ubutumwa bw’amahoro muri Sudani y’Epfo.

Abajijwe niba hari imibare y’abapolisi baba baranduye kiriya cyorezo, icyo gihe yadusubije ko ntayo yateguye ariko ko ‘bahari.’

Aherutse kubwira Taarifa ko COVID-19 igatinya abapolisi cyangwa abandi bambara impuzankano

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement