Umunyamakuru Orla Guerin usanzwe ukorera BBC yeretswe ahantu mu kuzimu aho ingabo za Israel zivuga Hezbollah yabitse zahabu n’amadolari byinshi.

Byanditswe ko iyo mari ibitswe mu kuzimu kuri munsi y’ibitaro bya Al Sahel biri mu Murwa mukuru wa Lebanon witwa Beirut.

Ubuyobozi bw’ibyo bitaro bwo burabihakana bukavuga ko ibyo Israel ivuga ntaho bihuriye n’ukuri.

Nibwo bwahaye umunyamakuru wa BBC uburenganzira bwo kuza kuzenguruka ibyo bitaro ngo yirebere amashirakinyoma.

Uwo munyamakuru yeretswe ibyumba byose by’ibyo bitaro ngo arebe uko byifashe.

Yeretswe n’igice cyo mu kuzimu kwabyo.

Kuri uyu wa Mbere taliki 21, Ukwakira, 2024, nibwo iby’uko muri biriya bitaro hari iriya mari yatangajwe.

Byahise biba ngombwa ko abakozi 50 barimo abakozi 15 ba biriya bitaro bahita bahungishwa.