Uburyo indirimbo nshya ya Meddy yujuje miliyoni imwe y’abantu bayirebye kuri YouTube mu minsi ibiri gusa, ntibivugwaho rumwe na bamwe mu bahanzi.
Bamwe babifashe nk’ikintu gikomeye kigaragaza urwego uyu muhanzi amaze kugeraho mu Rwanda no hanze yarwo, abandi babifata nk’aho hari amayeri yakoreshejwe mu kuzamura umubare w’abantu bayirebye kuri YouTube, arenze kuba indirimbo ikunzwe n’abantu benshi.
Médard Ngabo aheruka gukora amateka mu bahanzi bo mu Rwanda ubwo indirimbo ye nshya My Vow igaragaramo amashusho y’ubukwe bwe na Mimi Mehfira, yarebwaga n’abantu miliyoni imwe mu minsi ibiri gusa isohotse.
Ni ikintu cyashimishije benshi mu bakunzi b’umuziki we, abandi batangira kuvuga byinshi bashingiye ku buryo abahanzi bo mu Rwanda kugira ngo indirimbo irebwe n’abantu miliyoni imwe bisaba kwiyuha akuya.
Ibyo bigahuzwa n’uko indirimbo Away ya Ariel Ways na Juno Kizigenza nk’imwe mu ndirimbo nshya ziheruka gusohoka mu Rwanda, yujuje miliyoni imwe y’abayirebye kuri YouTube mu gihe cy’ibyumweru bitatu. Katapilla ya Bruce Melodie iri mu zikunzwe muri iki gihe yo byayifashe ukwezi.
Uretse izo, nk’indirimbo Habibi ya The Ben yakunzwe yasohotse mu 2017, kugeza ubu iracyari ku bantu ibihumbi 496 bayirebye kuri YouTube .
Nubwo abantu benshi batinze ku ndirimbo ya Meddy yari yujuje miliyoni imwe, ntabwo bibuza ko indirimbo Slowly aheruka gushohora imaze kurebwa n’abantu miliyoni 52.
Mu gihe u Rwanda rutuwe n’abantu miliyoni 13 kandi bose badakoresha internet, bigaragaza ko indirimbo ze zirebwa n’abantu benshi cyane bari hanze y’u Rwanda.
Ubwo amagambo yajyaga kuba menshi, hari ubutumwa bwitiriwe Juno Kizigenza bishoboka ko bwasibwe ku mbuga nkoranyambaga, busa n’ubwagarukaga kuri Meddy.
Bugira buti “Umwami watorotse se? Umwami cyangwa umwamikazi bari ino ntabwo ari ishyanga.”
Ubwo butumwa bwaje guhuzwa n’ubwa Teta Diana umenyerewe mu muziki gakondo.
Yanditse kuri Twitter ko gufungura umurongo wa YouTube cyangwa Channel ari ubuntu, ariko kugira ngo ugwize umubare munini w’abarebye ibyo washyizeho bishobora kugurwa.
Yakomeje ati “Ubuhanzi bwigenga buravuna ariko bukaramba. Twubake ibyagutse kandi biramba, ubugeni n’ubuhanzi byubahwe, abahanzi muri rusange mwihugure.”
Iyo ntero yikirijwe na Jules Sentore na we ukora umuziki gakondo, wabwiye Teta Diana ko amuvugiye ibintu.
Umvugiye ibintu gusa ndagushimye kuba ubikomojeho nyabu https://t.co/MsK7eRPGCW
— Jules Sentore 🎶 (@julesentore) July 26, 2021
Nyuma Teta Diana ariko yaje kuvuga ko ubutumwa bwe abantu babufashe nabi, babuhuza n’ibintu bitari byo.
Iyo uteye ibuye mugihuru kikavumbukamo inyoni zikaguruka ntukaziruke inyuma
— Jules Sentore 🎶 (@julesentore) July 27, 2021
Nyuma y’ubutumwa bw’abantu benshi, umuhanzi Tom Close yaje kwandika ko Meddy ari isomo ku muzika wo mu Rwanda, ku buryo abandi bahanzi bakwiye kureka amashyari.
#Meddy ni isomo ukwaryo mu muziki nyarwanda. Amashyari muyareke ubundi mu(tu)mwigeho, bizafasha benshi mu bakora umuziki hano mu #Rwanda.
— Tom Close 🇷🇼 (@tomclosetweets) July 27, 2021
😂 😂 comments zo zigurirwahe?? Let’s celebrate than belittling each other ! One love https://t.co/lfQo2qnIaC
— Bruceintore (@BruceIntore) July 26, 2021
To all my Rwandan YouTubers ntihagire umuntu ukubeshya ngo araguha aka app kagura views cg subscribers❌ Binakunze I promise you ko Cano yawe nta na 24hrs ishobora kumara @YouTube itarayisiba & you’ll lose everything 🚫Please be aware 🙏🏿 pic.twitter.com/hCrEfDjjcD
— Erno250 (@Ernesto_ugeziwe) July 26, 2021
Jule nawe urimo hano😂 https://t.co/lP6JFOe1gl
— F I N D G O D ° (@Robenn__) July 26, 2021
.@Knowless1butera yararirimbye ati:
“Nyigisha kwishimira intsinzi y’abandi, nyigisha kubigiraho undinde ishyari.” pic.twitter.com/qOqwv8IUbd
— Ngango Elican 🇷🇼 (@elicanngango) July 27, 2021
Sinkeka ko @Meddyonly yaguze views. Afite subscribers barenga 500k kuri youtube, kuri instagram akagira followers 251k, ubwo ni ko n'umugore we ukomoka mu gihugu gituwe n'abaturage 112M afite benshi bamukurikira. Wanagenzura uko izina rye cg indirimbo byabaye trend kuri Twitter
— Micomyiza Jean-Baptiste (Mico) (@micomyizajohn) July 27, 2021
Mu Rwanda umuntu wenyine ukwiriye guhagarara agahangana na #Meddy kuri Views ni umwe gusa,
uwo muntu yitwa #KARYURI 🤣🤣🤣🤣🤣🤣 Ibindi ni Urucabana rwose🤣
abenshi ntanubwo mwari mubizi. 👇🏽
32M ( 9 months )
20M ( 7 months )
11M ( 1 Year ) pic.twitter.com/kWO7Wrt9Fl— MC BR1AN🇷🇼 (@ShemNateteBrian) July 27, 2021
