Ingabo za Israel zatangaje ko zinjiye mu bice byose bya Gaza, zigasaba abaturage kuzivira mu nzira zikabona uko zivuna Hamas.

Amakuru avuga ko kuva zasubukura imirwano na Hamas mu mpera z’Icyumweru gishize, zongereye ibitero byo guhashya abarwanyi bayo bose.

Umwe mu bayobozi bakuru muri Amerika yavuze ko Israel ifite uburenganzira bwo kurinda ubusugire bwayo ariko ko ikwiye kwirinda guhutaza abasivili.

Ibi Israel ivuga ko izabikurikiza kuko nayo izi akamaro k’ubuzima bw’abasivile kandi ikazirikana n’amategeko mpuzamahanga yo kurengera abasivili.
Intambara yeruye kandi ikomeye hagati ya Israel na Hamas yatangiye taliki 07, Ukwakira, 2023 ubwo abarwanyi ba Hamas bagabaga igitero muri Israel kikica abantu 1200 mu kanya gato.

Kuva iyo ntambara yarota, ababarirwa mu bihumbi byinshi bamaze kuhasiga ubuzima ndetse Minisiteri y’ubuzima ku ruhande rwa Hamas ivuga ko abantu 15,000 barimo abana 6,000 aribo bishwe n’ibitero bya Israel, ibintu Yeruzalemu ihakana.