Kuri uyu wa Kane tariki 5, Kanama, 2021 ingabo za Israel zagabye ibitero ku barwanyi ba Hezbollah bari muri Liban.

Ni cyo gitero cya mbere igabye muri kiriya gihugu guhera mu mwaka wa 2014.

Yabikoze mu rwego rwo kwihimura ku barwanyi ba Hezbollah bari bamaze iminsi barasa za roquettes muri Israel.

Kuri uyu wa Gatatu hari ibisasu bitatu byarashwe mu Majyaruguru ya Israel.

Kugeza ubu ariko nta mutwe wari wigamba biriya bitero.

Ariko Israel yo yemeza ko biriya bisasu byarashwe na Hezbollah isanzwe iba muri Liban.

Iki ni igitero cya gatatu Israel ya Bennett igabye hanze yayo.

Icya mbere yakigabye muri Syria, ikindi ikigaba muri Gaza none yarashe no muri Liban.

Itangazo rya Hezbollah yabwiye Le Monde ko ibisasu bya Israel byaguye mu Majyaruguru ahitwa Mahmoudiyah.