Umusaza Jose Edoaurdo Dos Santos wari urwariye mu bitaro byo muri Espagne amaze kubikwa ko yapfuye.
Guverinoma ya Angola niyo yatangarije kuri Facebook ko uriua mukambwe yatabarutse.
Uyu mugabo wayoboye Angola yari arwariye mu Bitaro biri i Barcelona muri Espagne nk’uko biherutse gutangazwa n’umugore we Ana Paula dos Santos.
Muri Kanama, Taliki 28, 2022 Dos Santos yari bube yujuje imyaka 80 y’amavuko.
José Eduardo dos Santos yatangiye kujya mu bitaro kenshi mu mwaka wa 2019.
Mu bitaro ari kumwe n’abakobwa be ari bo Tchizé na Isabel Dos Santos.
Angola: l’ancien président José Eduardo dos Santos est mort en Espagne https://t.co/EbQwVo3PM8 pic.twitter.com/TiYCN21dWd
— RFI (@RFI) July 8, 2022
Mu kwezi kumwe gushize, hari amakuru yatangajwe abika ko Dos Santos yataburutse ariko umukobwa we Tchizé yarabyamagaye ndetse na Se yandika ibaruwa inyomoza ibyavugwaga icyo gihe.
Mu mwaka wa 2006 hari inyandiko yacicikanye hagati ya Ambasade ya Brazil muri Angola na Minisiteri y’ububanyi n’amahanga ya kiriya gihugu ivuga ko umusaza Santos yari afite cancer yamufashe mu bugabo.
Dos Santos yayoboye Angola guhera mu mwaka wa 1979 kugeza mu mwaka wa 2017.
