Paul Kagame yatonze umurongo n’abandi baturage bari baje gutorera mu Murenge wa Kagugu mu Karere ka Gasabo. Abandi bakandida Perezida ari bo Mpayimana Philippe yatoreye muri Camp Kigali naho Frank Habineza yatoreye muri Remera Catholique II.
Mpayimama na Habineza bashimiye uko ayo matora yegenze neza bavuga ko ari intambwe yerekana uko Demukarasi iri gutera imbere.
Mpayimana avuga ko kuri iyi nshuro yizeye ko azatsinda kuko asanga kuri iyi nshuro ibintu byaragenze neza.
Iyo ngingo kandi niyo na Dr. Phillippe Habineza nawe asanga yihariye kuri iyi nshuro kubera ko ari ngo aho yacaga yahasangaga abantu baje kumva imigabo n’imigambi ye.
Hirya no hino mu Rwanda habereye ayo matora kandi abafite ubumuga bahawe uburyo butuma batora neza.
Hamwe abantu bamaraga gutora bagahabwa ikawa yo kunywa, abantu bagahabwa icyayi gisanzwe, abandi bagahabwa bonbon yo kunyunguta n’ibindi.
Mu Karere ka Nyarugenge ahitwa Kimisagara, abantu bagiye gutora bambaye nk’abakwe bagiye gusaba umugeni.
Video Kagame ageze aho atorera:
🚨AMAKURU MASHYA🚨
Kandida-Perezida Paul Kagame na Madamu Jeannette Kagame bageze kuri Site ya SOS Kagugu mu Karere ka Gasabo, aho bagiye gutora Perezida wa Repubulika n’Abadepite. #RBAAmakuru #Amatora2024 pic.twitter.com/yX6oGXiiY9
— Rwanda Broadcasting Agency (RBA) (@rbarwanda) July 15, 2024
