Umunyarwenya wo muri Uganda Anne Kansiime na mugenzi we wo muri Kenya witwa Mammito bagiye gutaramira i Kigali mu gitaramo cya Gen-Z Comedy Night kizaba kuri uyu wa Gatandatu taliki 09, Ugushyingo, 2024.
Kizabera ahitwa Camp Kigali, kikaba cyaranatumiwemo abandi banyarwenya bo mu Rwanda nka Hervé Kimenyi, Rusine, Babu na Fally Merci ubitegura.
Fally Merci yabwiye itangazamakuru ko hari benshi mu bitabiriye Youth Connekt iri kubera mu Rwanda bashobora kuzitabira iyi nama.
Umunyarwenya Anne Kansiime yaherukaga mu Rwanda muri Nzeri, 2023 ubwo yari yitabiriye igitaramo kiswe Seka Live.
Nabwo cyabereye muri Camp Kigali.
Mammito ubusanzwe witwa Eunice Wanjiru Njoki ni umunyarwenya wo muri Kenya wavutse mu mwaka mu 1993.
Mu mwaka wa 2015 nibwo yatangiye gusetsa abantu mu buryo bw’umwuga.
