Nshuti Muheto Divine wabaye Miss Rwanda mu mwaka wa 2022 yakatiwe n’urukiko rw’ibanze rwa Kicukiro igihano cy’amezi atatu asubitse mu gihe  cy’umwaka umwe.

Yahanishijwe kandi gutanga ihazabu ya Frw 190.000.

Urukiko rw’Ibanze rwa Kicukiro rwamuhamije ibyaha yari akurikiranyweho birimo gutwara ikinyabiziga yanyoye ibisindisha no gutwara ikinyabiziga nta ruhushya rwo gutwara afite.

Undi wari uri mu rukiko ni uwitwa Fatakumavuta wakatiwe gufungwa by’agateganyo mu minsi 30 mbere yo kuburanishwa mu mizi.

Urukiko rw’ibanze rwa Kicukiro rwategetse ko Sengabo Jean Bosco( Fatakumavuta) afungwa iminsi 30 y’agateganyo kuko hari impamvu zikomeye zituma akekwaho ibyaha.