Muri Uganda Twaraye Ducyuye Inganji- Intore Massamba

Massamba Intore yatangarije Taarifa ko igitaramo yaraye akoreye mu birori byo kwizihiza isabukuru y’imyaka 48 Lt Gen Muhoozi Kainerugaba amaze avutse, cyari imbaturamugabo kandi ngo we na Symphony Band yamucurangiraga, baraye bacyuye inganji.

‘Gucyura inganji’ avuga ni ukuhacana umucyo, abantu bakizihirwa  n’igitaramo, ntibagire icyo bakunenga.

Intore Massamba yatubwiye ko yaririmbye indirimbo zitwa Hobe, Agasaza, Nyaruguru, Inkotanyi Cyane( Muhoozi yahagutse arabyina kuko yari yarayimusabye),  Ikizungerezi, Rwanda – Uganda Bitajengwa  na Nani na Sisi Wenyewe.

Mwakoze cyane Afande General MK kuntumira mu Isabukuru yanyu @ Lugogo ndetse mukaba mwongeye kuntumira n’ejo muri State House. Nzaza kandi nzatarama Ubucuti n’Umubano byose biganisha ku mahoro arambye kuko icyo dupfana kiruta icyo dupfa! Happy birthday Nkotanyi cyane🇺🇬🇷🇼 pic.twitter.com/r5bRGB6TqQ

— Massamba intore (@MassambaIntore) April 23, 2022

Yabwiye Taarifa ko muri kiriya gitaramo hari Abanyarwanda benshi bamufashaga kubyina ziriya ndirimbo.

Massamba kandi yahaye Gen Muhoozi impano y’umupira wanditseho Inkotanyi Cyane, izina ry’indirimbo akunda cyane kandi ngo wamushimishije.

Happy birthday CLF UPDF GEN @mkainerugaba we are so great full to celebrate this with you sir the community attended and were served VVIP services all television broadcasted it live big up @ubctvuganda pic.twitter.com/okmj8X6IUj

— TOORO AND BUNYOORO CHAPTER 4 MK (@Toorochapter) April 23, 2022

Uyu musirikare mukuru yaboneyeho no kumutumira ngo aze kubataramira mu gitaramo Gen  Muhoozi ari bwifatanyemo n’abandi banyacyubahiro bakomeye.

Massamba yahaye Muhoozi impano y’umupira wanditseho Inkotanyi Cyane

Abafana ba Masamba muri Uganda bifatanyije nawe mu kuririmba indirimbo ze