Minisiteri y’uburezi k’ubufatanye na NBA Academy Africa bari mu biganiro byo gushyira mu bikorwa gahunda y’amasomo ya Basketball n’imyigire yawo mu mashuri y’u Rwanda.
Nk’uko byatangajwe na Victor Williams, umuyobozi mukuru wa NBA Africa yatangaje ko ariya masezerano azazanyra urwego umukino wa Basketball uri ho mu Rwanda.
Ati: ‘Ntekereza ko kimwe mu bintu bifatika twakoze ari uko twafatanije n’u Rwanda mu kuvugurura ibibuga by’imikino’.
Avuga ko ibikorwa byo kubaka biriya bikorwa remezo, byangiriye muri Lycée de Kigali ahubatswe ibibuga by’uyu mukino.
Victor Williams yagize ati : ‘ Abantu bazajya bava mu mashuri n’abaturage basanzwe bakina Basketball bazajya baza kwiga uriya mukino bigishwe basket n’abatoza bayo. Hanyuma tuzakomeza gukorana na Minisiteri y’uburezi na Minisiteri ya siporo mu bijyanye no kubona basketball yinjira muri gahunda y’amashuri mu gihugu’.
Biteganijwe ko iyi ntambwe izatuma n’abakora mu yindi mikino bahagurukira kuyiteza imbere.
NBA Academy Africa ikorera mu bihugu 15 byo ku mugabane harimo Afurika y’Epfo, Nigeria, Tanzaniya, Kenya, Misiri, Senegal n’ibindi.
