Ubwo yaburanaga ku bujurire ku ifungwa n’ifungurwa by’agateganyo, umunyamakuru wigenga Jean Paul Nkundineza yavuze ko ibyo yavuze kuri Miss Jolly Mutesi bikamuviramo ibyaha byatumye ubu ari mu rukiko yabitewe n’amarangamutima.

Yavuze ko yemera ko ibyo yavuze bidakwiye ariko ko yari akwiye guhanwa n’Urwego rwigenzura rw’abanyamakuru.

Ikindi cyavugiwe muri iri buranisha ni uko Miss Jolly Mutesi ari we ubwe witangiye ikirego kandi ngo si ubwa mbere amureze.

Umwunganira avuga ko umukiliya we adakwiye gufungwa by’agateganyo ahubwo yagombye kuburana ari hanze.

Ni mu rubanza rw’ubujurire.

Umushinjacyaha we asaba ko uwo arega afungwa kuko ari umunyabyaha, iyi mvugo ikaba yamaganywe n’umwunganira kubera ko Jean Paul Nkundineza atarahamwa n’ibyo aregwa.